Medrando á Par

A Convención sobre os Dereitos do Neno (CDN) é un tratado internacional das Nacións Unidas polo que os estados asinantes recoñecen os dereitos do neno. A convención está composta por 54 artigos que consagran o dereito á protección da sociedade e o goberno, o dereito dos menores de 18 anos a desenvolverse en medios seguros e participar activamente da sociedade. A CDN recoñece aos nenos como suxeitos de dereito, pero converte aos adultos en suxeitos de responsabilidades.

 

Entre os principais dereitos do neno destacan os seguintes:

- Á vida.

- Á saúde.

- O descanso, o esparcemento, o xogo, a creatividade e as actividades recreativas.

- A liberdade de expresión e a compartir os seus puntos de vista cos outros.

- A un nome e unha nacionalidade.

- A unha familia.

- Á protección durante os conflitos armados.

- Á liberdade de pensamento, conciencia e relixión.

- Á protección contra o descoido e o trato neglixente.

- Á protección contra o traballo infantil e a explotación económica en xeral.

- Á educación, que será gratuíta e obrigatoria, polo menos nas etapas elementais.